सत्तारुढ दल नेपाली काँग्रेसका जनप्रतिनिधीले भीमदत्त नगरपालिकाको कार्यपालिका बैठक बहिस्कार

सोमवार नगरपालिकाकै हलमा कार्यपालिका बैठक आब्हान गरिएको थियो । शुरुमै काँग्रेसबाट निर्वाचित जनप्रनिधीले बैठक बहिस्कार गरेका हुन । नेपाली काँग्रेस भीमदत्त नगरपालिका १३का वडाध्यक्ष लाल बहादुर शाहीले काँग्रेस निकट शिक्षक संघले उठान गरेका माग सम्बोधन गर्न तर्फ ध्यानाकर्षण गराउँदै बैठक बहिस्कार गरेको बताए । ‘हाम्रो पार्टी निकटका शिक्षकले दरबन्दी मिलान बारे महिनादिनदेखि आन्दोलनमा छन, ‘उनले भने, ‘शिक्षकको माग पुरा भए मात्रै बैठक बहिस्कार गर्दैनौँ ।’ काँग्रेसबाट निर्वाचित कार्यपालिका सदस्यले बैठक बहिस्कार गरेर अनावश्यक राजनीतिक गर्न खोजेको नगरपालिकाले जनाएको छ ।