महेन्द्रनगर मावि(साधारण)लाई बासुदेव स्मृति फुटबल प्रतियोगिताको उपाधी

कञ्चनपुर:
कञ्चनपुरको महेन्द्रनगर मावि(साधारण स्कुल)लाई बासुदेव स्मृति फुटबल प्रतियोगिताको उपाधी पाईएको छ । गत बिहीबारदेखि महेन्द्रनगरमा शुरु भएको बासुदेव स्मृति फुटबल प्रतियोगिताको उपाधी महेन्द्रनगर मावि(साधारण स्कुल)लाई पाईएको हो । मंगलबार समापन प्रतियोगिता महेन्द्रनगर मावि साधारण र फ्लोरिडा ईन्टरनेशल स्कुलविच भएको थियो । समापनमा साधारणले नै जितेपछि उपाधी पाएको हो । उप विजेता फ्लोरिडा ईन्टरनेशल स्कुल भएको छ ।
पढाईका साथै महेन्द्रनगर मावि विद्यालय खेल क्षेत्रमा समेत अब्बल भएको छ । महेन्द्रनगर माध्यामिक विद्यालय व्यवस्थापन समितिका अध्यक्ष बिरेन्द्रराज विष्टले नियमित पढाईका साथै विद्यार्थीमा खेलकुद सहितका अतिरिक्त कृयाकलाप गराएको परिमाण फुटसलमा टिम विजेता भएको बताए । ज्ञान भण्डार स्र्पोटर्स सेन्टरको आयोजनामा बासुदेव स्मृति फुटसल प्रतियोगिता अन्तर विद्यालय स्तरिय फुटसल प्रतियोगिता आयोजना गरिएको थियो । महेन्द्रनगरमा पुस्तक व्यवसायी एव समाजसेवी स्व.बासुदेव बोहराका छोराहरु गौरब र सौरबले बाबुको स्मृतिमा फुटसल प्रतियोगिता आयोजना गरेका थिए । बिजेता महेन्द्रनगर मावि(साधारण)ले ५१ हजार १११ र उपविजेता फ्लोरिडाले २५ हजार ५५५रुपैया प्रमाण पत्र सहित पुरस्कार पाएका छन । उनीहरुले खेलकुद समिति कञ्चनपुरका अध्यक्ष कुवेर खडकाले पुरस्कार एव प्रमाण पत्र हस्तान्तरण गरेका थिए । प्रतियोगितामा २६ विद्यालयका टीम सहभागि भएका थिए ।