अटोको ठक्कर बाट वृद्धको ज्यान गयो

महेन्द्रनगर:
कञ्चनपुरको पुनर्वास नगरपालिकामा अटोको ठक्करबाट एकजना पैदलयात्रीको वृद्धको ज्यान गएको छ ।
जिल्लाको पुनर्वास नगरपालिका–६ टाउन बजारमा सु.प.प्र.०१००१ ह ४०१६ नम्बरको अटोको ठक्करबाट सोही ठाँउकी ८६ वर्षीया छलीदेवी थापाको मंगलवार राति मृत्यु भएको हो ।
मंगलबार साँझ अटोको ठक्करबाट गम्भीर घाइते भएकी थापाको धनगढी स्थित माया मेट्रो अस्पतालमा उपचारको क्रममा मृत्यु भएको जिल्ला प्रहरी कार्यालय कञ्चनपुरले जनाएको छ ।
पैदलयात्री लाई ठक्कर दिने सोही नगरपालिका वडा नम्बर–८ ख गाउँका ३२ वर्षीय अटो चालक केशव ओझा र अटोलाई नियन्त्रणमा लिई घटना सम्बन्धमा थप अनुसन्धान भइरहेको ईलाका प्रहरी कार्यालय पुनर्वासले बताएको छ ।