माग्ने बहाना बनाई चोरी र लुटपाट गर्ने भारतीय नागरिक लाई सम्झाई बुझाई भारत तर्फ पठाईयो

कञ्चनपुर : अव्यवस्थित बसोबास गर्दै आईरहेका भारतीय मुलका नागरिकहरुलाई मंगलबार गड्डाचौकी नाकाबाट भारत तर्फ पठाईएको छ ।

जिल्ला प्रहरी कार्यालय कञ्चनपुरको टोलीले आउदै गरेको नेपालीहरुको महान चाँड पर्वहरुमा माग्ने बहाना बनाई चोरी, लुटपाट जस्ता घटना घटाउन सक्ने हुनाले भीमदत्त नगरपालिका २ मा अस्थायी टहरा बनाई बसोबास गर्दै आइरहेका १४ जना भारतीय नागरिकलाई मंगलबार गड्डाचौकी नाकाबाट उनीहरुलाई सम्झाई बुझाई सुरक्षित साथ नेपाल भारतको सिमा क्षेत्र गड्डाचौकी नाकाबाट भारत तर्फ पठाईएको छ ।

यस अघि पनि भारतीय नागरिक विभिन्न बहानामा सुन सफा गर्ने, भाँडा चम्काउने, घर भाडामा बस्ने जस्ता विभिन्न बहना बनाई लुटपाटका घटना घटाएका छन् । उनीहरुको स्थायी बसो बास पनि नहुने र एका स्थान बाट अर्को स्थान तर्फ बसाई सराई गरी रहने हुनाले घटना घटाए पछि उनीहरुलाई पक्राउ गर्न पनि गह्रो अवस्था आउने गर्दछ भने कतिपय यहाँ लुटपाटका घटना घटाई भारत जाने गर्दछन् ।