मनकारी वडाध्यक्ष भुन्टु : वर्षेनी भत्ता सुविधा वृद्धवृद्धालाई बाँड्दै

महेन्द्रनगर:
दशैं/तिहार, छठ जस्ता चाडपर्वले गाउँ–शहरमा नयाँ चहलपहल ल्याउँछ, भेटघाटको माहोल बनाउँछ । पारिवारिक बाहेक पनि साथीभाइ, आफन्त बीचमा भेटघाट हुने नै भयो । त्यसमा थपिन्छन् सामाजिक, सांस्कृतिक र राजनीतिक गतिविधि पनि । तबर कञ्चनपुरमा भने केही फरक देखिन्छ ।

भीमदत्त नगरपालिका वडा नम्वर १ का वडा अध्यक्ष आसेफ कुँवर (भुन्टु)ले तलब भत्ता बापत प्राप्त भएको १ बर्षमा पाएको २ लाख ११ हजार ५ सय रुपैंया वडामा रहेका १४१ जना बृद्धबृद्धा तथा अपांगता भएकाहरुलाई बितरण गरेका छन् । ‘जनप्रतिनिधि भए पछि आफुले पाउदै आएको तलव भत्ता वापतको रकम वडामा रहेका बृद्धबृद्धा तथा अपांगता भएकाहरुलाई दिएको हुँ ।’ वडा अध्यक्ष कुँवरले भने बिहिवार बिहान वडाका १४१ जना जेष्ठ नागरिक, अपाङ्गता भएका व्यक्ति, दृष्टिबिहीन र विपन्न परिवारलाई वितरण गरेका थिए ।

तलब लिएर वडा कार्यालय पुगेका अध्यक्ष कवुँरले १५ सयका दरले रकम बाँडेका हुन् । स्थानीय तह निर्वाचनको बेला आफूले पाउने तलब वडाका बृद्धबृद्धा, अपाङ्गता भएका व्यक्ति र असहायलाई वितरण गर्ने घोषणा गरेका कुँवरले आफू कमाउनका लागि नभई जनताको सेवा गर्न आएको बताए । ‘म निर्वाचनका बेलामा मत माग्दै गर्दादेखि निर्वाचन जितिसकेपछि पनि पाँच बर्षसम्म सरकारी सुविधा नलिने बचन दिएको थिएँ । आज त्यो पुरा गर्दै छु ।’
जनताकै करबाट पाएको तलब जनताकै हातमा सहयोग स्वरुप दिएको हुँ ।’ उनले जेष्ठ नागरिकलाई कार्यकाल भरीको रकम आफू समाजमै परोपकारी काममा दिने बताए ।

वडा अध्यक्ष कुवँरले जनप्रतिनिधीहरुले स्थानीय तहबाट तलब सुविधा लिनु अशोभनिय हुने तर्फ गर्नुभयो । ‘हामी लोकसेवा पास गरेर तलब खान स्थानीय तहमा आएका होइनौं ।’ कुवँरले भने ‘पाँच बर्षसम्म सुविधा नलिएर वडाको विकासदेखि जनताको हितका लागि काम गरेको थिय अबको पाँच बर्ष पनि जनताको हितका लागि काम गर्नेर्छु ।’ वडाध्यक्षको मासिक तलब २२ हजार रहेको छ । ‘असाहय असक्त जेष्ठ नागरिकहरु मेरा अभिभावक हुन उहाँहरुकै आर्शिवादले म राजनीतिमा अघि बढ्नेछु ।’

वडा अध्यक्षले रकम वितरण गरेपछि स्थानीय जेष्ठ नागरिकहरुमा खुसीयाली छाएको छ । ‘यति मनकारी प्रतिनिधी पहिलो पटक पाएका छौ ।’ भीमदत्त नगरपालिका वडा नम्वर १ का १०० बर्षिय गम्बिर सिंह चैसिरले खुसी हुँदै भने । आफुले पहिलो पटक गाउँमा तलब रकम बाडेको देखेको बताए ।