महेन्द्रनगरको होटल शैलेश्वरी र बैजनाथ गेस्ट हाउसमा यौनधन्दा, ४ केटी र मालिक पक्राउ

महेन्द्रनगर:

महेन्द्रनगर को शैलेश्वरी होटल र बैजनाथ गेस्ट हाउसमा यौनधन्दा हुने गरेको पाइएको छ। भीमदत्त नगरपालिका  ४ बस पार्क नजिक शैलेश्वरी होटल र बैजनाथ गेस्ट हाउसमा धन्दा हुने गरेको हो।

सो होटलमा वडा प्रहरी कार्यालय महेन्द्रनगरका प्रमुख इन्सपेक्टर यम मल्लको कमाण्डमा खटिएको टोलीले छापा हान्दा ४ महिला, एक पुरुष ,होटेल मालिक र एक जना कामदार समातिएका छन ।

सो होटलबाट अनैतिक क्रियाकलापमा संलग्न होटल साहु कञ्चनपुर भीमदत्त नगरपालिका ४ का अन्दाजी ४२ वर्षीय गोविन्द बिस्ट र ४ महिला, एक पुरुष र एक कामदार लाई नियन्त्रणमा लिईएको प्रहरीले जनाएको छ। सो सम्बन्धमा प्रहरीले थप अनुसन्धान गरिरहेको छ।