“गमरा देवीका खेल” बिरुणा रुझाउन्या बेला गाइन्या फाग

टुटी कुणि पास नडरी त वरत लिया मैले
बरत त लिया गुसाई मयासर तरत नाई व पाया
दिय दिय मयासर गुसाई हो पञ्च विरूणि खोजी दिय
विरूणि खोजि दिउला कपणा घेकि दिउला लिय लोली नौलो वरत
कै बाटा औला कै बाटा झौला भाइ र निडला फोण पानी
हात समाइछ निडला छणित माथा भोजकी छात
तारे है त चल्या गुसाई मयासर कनैया नडरी पुगिग्यान
कनया नडर कि चेली रे बेटीले आदली कुसली लैन सोध्यो आदली नाई सोध्यो कुसली नाई सोध्यो विणो वैसेक लैन दियो
तारे है त मयासर गुसाई त मथुरा नडरी पुगिग्यान
मथुरा नडर कि चेली रे बेटीले विणो वैसेक लै दियो
विणो लै दियो बैसेक दियो आदली कुसली लैव सोध्यो
मथुरा नङरकि चेली रे बेटी हो मेरो रे बोल लिय
दिय दिय चेली रे बेटी पञ्च विरूणि खोजि दिय
सब विरूणि होली गुसाई मयासर गुसाइ कलौ विरूणि लैनथिन
जय हौस मथुरा नडरी हो जय हौस तमरो
खय हौस कनया नडरी हो खय हौस तमरो
धौना त्यौना मयासर गुंसाई त घर लौटी व आया
लिय लिय गमरा देवी हो विरुणी खोजी हम लेया
गाठी खोयो मुठी लै खोयो रे कलौ विरूणी नाई व पायो
कलौ विरुणी खोजि दिय भण्यारे लेई आया गत गुरोस
ततिकी चोणाइलि गमरा किरस चलाई कन खानी
रिस रिसाइन लोली रे गमरा भुणुक्कै उठि गैन
अइतिर गमरा कटाल काटन्नी पैतिर डैडोल हाल
अइतिर गमरा डैडोल हालत पैतिर सत्य फुकार
अइतिर गमरा सत्य फुकार त पैतिर औरया कलउ
अइतिर गमरा कलउ औरया त पैतिर दोपत्या भ्यान
अइतिर कलउ दोपत्या भ्यान त पैतिर चौपत्या भ्यान
अइतिर कलौ चौपत्या भ्यान त पैतिर डाकुली सर
अइतिर कलौ डाकुली सर त पतिर ढकमक फूल
अइतिर कलौ ढकमक फूल त पैतिर चिचली छाण
अइतिर कत्लौ चिचली छाण त पैतिर कोसी खानी भैछ
तपसीका रूप मयासर इचालिमाइब बस्या
कलौ गणा कि कलेवारी चेली हो एक कोशी हम खान देन
पैल्ली कि कोशी भूमिराज देवाकी दोसरी केदारनाथ देवा
तेसरी कोशी सिद्धनाथ देवाकी चौथी नाडार्जुन देवा
पाचौ कोशी वर्मराहु देवाकी छयो तेतिस कोटी देवा
सातौ कोशी मयासर देवाकी आठो गणपती बालो
नयौ कोशी सरस्वती कन्याकी दशो देउरानी जेठानी
एगारो कोशी गौमणि बाण्णाकि बारौ तोई लोग्या दिउलो
दामोदर भाइलु रे मेरा हो मेरो रे बोल लेन
झान झान दामोदर भौल्या हो कलौ चुटी बल्यान दिय
दिय दिदी हमरा हो सुना गिर्याठी लैब दिय
दिय दिय दिदी हमरा हो रूपा कोथली लैब दिय
लिय लिय दिदी हमरा हो कलौ चुटी व लेयो।
जय हौस दमो रे दर हो जय हौस तमरो
अन्तिममा कि कसो भयो सुझाव सल्लाह दिन जन बिसर्या