कैलालीमा भरुवा बन्दुक सहित एक युवक पक्राउ

महेन्द्रनगर । जिल्ला प्रहरी कार्यालय कैलालीले भरुवा बन्दुक सहित एक युवकलाई पक्राउ गरेको छ । शुक्रबार राति अस्थायी प्रहरी पोस्ट चौकीडाँडाबाट खटिएको प्रहरी टोलीले गोदावरी नगरपालिका–१० दमैराका २३ वर्षीय प्रदेशी चौधरीलाई एकनाले भरुवा बन्दुक सहित पक्राउ गरेको हो ।
उनलाई बन्दुक लगायत साइकलको छर्रा ४५ थान, साइकलको धुरा काटी बनाएको गोली आठ थान, गुलेली एक थान, रेन्ची एक थान, फलामको धुलो, केप बनाउने साँचो, सलाई एकथान, रबर डोरी एकथान र बारुद सहित पक्राउ गरेको बताएको छ ।