पुनर्वासका १३ जनप्रतिनिधीले नेकपा एकृकित समाजवादीमा सनाखत गरे

महेन्द्रनगर । कञ्चनपुरको पुनर्वास नगरपालिकामा नेकपा एमाले छोडेर जनप्रतिनिधीले नेकपा एकृकित समाजवादी पार्टीमा सनाखत गरेका छन् । पुनर्वास नगरका मेयर जिवन थापा सहित १३ जनप्रतिनिधीले आईतवार नेकपा एकृकित समाजवादी पार्टी रोजेका हुन् ।
एमालेबाट निर्वाचन जितेका पुनर्वासका जनप्रतिनिधीले निर्वाचन आयोग कञ्चनपुरको कार्यालयमा पुगेर नेकपा समाजवादी पार्टीमा सनाखत गरेका छन् । मेयर थापा सहित एमालेबाट चुनाव जितेका पूनर्वास नगरका १ का वडाध्यक्ष प्रताप ब. चन्द, ३ का वडाध्यक्ष कृष्ण तामाङ्ग, कार्यपालिका सदस्य विष्णूदेवी सिग्देल, वडा सदस्य सुकमाया तामाङ्ग, सुमित्रा राना, पार्वती देवी शाही, शान्ति माया तामाङ्ग पृथम सिह राना, फुर्वा तामाङ्ग, बम बहादुर तामाङ्ग, मान बहादुर तामाङ्ग, सुपा तामाङ्गले सनाखत गरेको जिल्ला निर्वाचन कार्यालयले जनाएको छ ।