कञ्चनपुरका थप १ जना कोरोना संक्रमितको मृत्यु

महेन्द्रनगर । सुदूरपश्चिममा थप एकजना कोरोना संक्रमितको मृत्यु भएको छ । सेती प्रादेशिक अस्पतालमा उपचाररत एक कोरोना संक्रमित पुरुषको मृत्यु भएको हो । मंगलवार कञ्चनपुरको भीमदत्त नगरपालीका–१६ का ६० वर्षीय पुरुषको मृत्यु भएको सेती प्रादेशिक अस्पतालका सूचना अधिकारी दिलीप कुमार श्रेष्ठले जानकारी दिए ।
भेन्टिलेटरमा उपचाररत उनको मंगलबार बिहान ६ बजे मृत्यु भएको अस्पतालले जनाएको छ । योसहित कञ्चनपुरमा कोरोनाका कारण मृत्यु हुनेको संख्या १ सय ९२ पुगेको जिल्ला स्वास्थ्य कार्यालयले जनाएको छ ।