कञ्चनपुरमा कोरोना संक्रमितको संख्या बढदै, मंगलवार १२ जनामा संक्रमण पुष्टि

कञ्चनपुरमा लागु गरिएको निषेधाज्ञा खुकुलो पारेसंगै आमसर्वसाधारणहरुले नेपाल सरकारले लागु गरेको स्वास्थ्य सुरक्षाका मापदण्डको उचित पालना नगरे पछि संक्रमितको संख्या बढदै जान थालेको छ ।
कोरोना संक्रमणको अवस्था अहिले पनि कायमै रहेकाले सबैले स्वास्थ्यका नियमहरु उचित तवरले पालना गर्नुपर्ने चिकित्सकहरुले बताएका छन् ।
यस्तै, मंगलवार थप १२ जनामा कोरोना संक्रमण पुष्टि भएको छ । पिसिआर परिक्षणमा ४ जना र ऐन्टिजेनमा ८ जनामा कोरोना संक्रमण पुष्टि भएको जिल्ला स्वास्थ्य कार्यालयले जारी गरेको सुचनामा उल्लेख गरिएको छ ।
कोरोना पुष्टि हुनेमा दोधारा चाँदनीमा ५ जना गडडाचौकीमा ३ जना, वेदकोट, शुक्लाफाँटा, बेलौरीर पुनर्वासमा १(१ जनामा कोरोना पुष्टि भएको स्वास्थ्य कार्यालयका कम्प्युटर अपरेटर महिन्द्रा भटटले जानकारी दिएकी छन् । यो संगै कञ्चनपुरमा कोरोना संक्रमितको संख्या ८ हजार ४ सय ५५ पुगेको छ ।
कञ्चनपुरमा मंगलवार १० जनाले कोरोना जितेर घर फर्किएका छन् । अहिले सम्म कोरोना संक्रमणलाई जित्नेको संख्या ८ हजार १ सय ३७ पुगेको जिल्ला स्वास्थ्य कार्यालयले जनाएको छ ।
जिल्लामा सक्रिय संक्रमितको संख्या १ सय ९ पुगेको छ । अहिले सम्म कोरोना बाट मृत्यु हुनेको संख्या १ सय ९२ पुगेको छ ।