डडेल्धुरामा नेपाली कांग्रेस अधिवेशन स्थगित

महेन्द्रनगर । नेपाली कांग्रेस डडेल्धुराको सातौं जिल्ला अधिवेशन स्थगित भएको छ । कांग्रेस डडेल्धुरामा पछिल्लो समय१४ औं महाधिवेशनका लागि केन्द्रीय निर्वाचन समितिले पठाएको क्रियाशिल सदस्यहरुको नामावलीमा हेरफेर तथा थपघट गरिएको भन्दै कार्यसमितिको मंगलवार बसेको बैठकले अधिवेशन स्थगित गर्ने निर्णय गरेको हो ।
पार्टी कार्यालयमा बसेको बैठकले केन्द्रीय निर्वाचन समितिले खटाएका निर्वाचन अधिकृत लोकेन्द्रबहादुर बमले निर्वाचन सामग्री नबुझाएको र उनी लगायत एक पक्षीय कार्यकर्ताहरुले बैठक पुस्तिकामा दस्तखत गर्न नमानेका कारण अधिवेशन स्थगित गर्ने निर्णय भएको जिल्ला सभापति कर्णबहादुर मल्लले जानकारी दिए ।