बैतडीमा बिधालय जाँदैगर्दा पुल भत्किँदा २ बालक घाईते

महेन्द्रनगर :

बैतडीमा बिधालय जाँदैगर्दा पुल भत्किँदा २ बालक घाईते भएका छन् । मंगलवार पाटन नगरपालिका ८ मा पुलबाट खोला तर्दै गर्दा दुई बालक घाइते भएका हुन् । घाइते हुनेमा महेश्वर आधारभुत बिद्यालयमा अध्यानरत वडा नं ८ कुक्कौका कक्षा ८ मा अध्यनरत १३ वर्षीय असोक पन्त र कक्षा ५ मा अध्यानरत ११ वर्षीय दिनेश ऐर घाइते भएका हुन् । कुक्कौ खोलामा हालेको पूल भत्किएपछि उनिहरु घाइते भएका बिद्यालयका प्रधानाध्यापक जय सिंह भाटले जानकारी दिएका छन् । बिद्यालय गइरहेका बिद्यार्थीहरु सिमेन्टद्धारा निर्मीत पूलमाथीबाट तर्दै गर्दा भत्किएको हो । घाइते दिनेशको हातमा चोट लागेको छ भने, अशोकको टाउकोमा चोट लागेको प्रधानाध्यापक भाटले बताए । उनिहरुको डडेल्धुरा अस्पतालमा उपचार भइरहेको छ ।