झाेला भाग -२

सुण रम्वा झाेलाकाे राज, सुण्नामा कि झान्च

हृदय राखनि बात , गुण्नामा कि झान्च

अल्वा ,रम्बास ,सनपाट, भेउलका लाेतका

जेउडानले बुणेर हुन्त्या, कख्याला जाेरका

कख्यालाे पुर्खाकि झाेला, टाेटाइ टाेटा वालाे

लैझन्त्या याद छ कि कसै, बल्लुनसित ग्वालाे

उइबेला एकफित्या झाेला , कानाैनि टाङन्थ्या

वाइनि पाटि वाइनि दवात ,काेइ छड्क्या हालन्थ्या

थाेक्काइ ठुल्का हुन्यावाला , किताब काेचन्थ्या

अर्खाइ झाेला समाैन पण्या , एकफेरा साेचन्थ्या

ताेइ झाेला जुलघाट झान्ति,कभै नुन तेल लिउन

कसैका पिठिउन पिठ्ठु , बरिखा हाै कि हिउँन

सुर्क्या झाेला चाइनिज भन्त्या , सुरुक्क सुरकन्थ्या

पिठ्ठुइ जस्या टाङिबर , मा:रि उदुरकन्थ्या

बट्टनवालि चैनवालि , खुला मुखै झाेला

हुन्याथाइँ जति निकि ब हुन्ति, ठुला मुखै झाेला

जाँत गया मिठाइँ हाल्ल, चायिन्या ताेइ झाेला

झाेला भया हालि सकन्छ:, वाइनि राेडा खाेला

झाेला भया खुस्स हाल्याे ,वाइनि जुस घुस

बिदेशमा खाता खाेल्याे, अाफै दिल खुस

कन्डि ,हैण्डबेग जे छ, टाइममा समाइ हाल

सात पुस्तासम्मकि पैसा , अाजै कमाइ हाल

तेर्सि ठाडि चारकुन्या, झाेला ताे जसि हाै

तइ झाेलामा तमराे हमराे, पिरति बसिझाैं