कञ्चनपुरका दुई नाका गड्डाचौकी र गौरीफन्टा तत्काल नखुल्ने

महेन्द्रनगर :

सरकारले सबै सीमानाका खुला गर्ने निर्णय गरे पनि कञ्चनपुरका दुई नाका गडडाचौकी र गौरीफन्टा तत्काल नखुल्ने भएका छन् । मंगलबार बसेको मन्त्रिपरिषद् बैठकले कोरोनाका कारण बन्द गरिएका सीमा नाका खुला गर्ने निर्णय गरेको भएपनि जिल्लामा अहिले सम्म लिखित जानकारी प्राप्त नभएका कारणले अहिले नै सरकारले भने वमोजिम नाकाहरु निर्वाधरुपमा संचालनमा आउन केही दिन लाग्ने कञ्चनपुरका प्रमुख जिल्ला अधिकारी रामप्रसाद पाण्डेले जानकारी दिएका छन् । अहिले संचार माध्यममा देशैभरका सबै नाका खुल्ने भनेपनि जिल्लामा गृह मन्त्रालयबाट पत्र आउने र उक्त पत्रमा के निर्णय गरेको छ त्यो अनुसार नाकाहरु खुल्नको लागि जिल्लामा पनि वैठक बस्ने र निर्णय पश्चात नाकाहरु खुल्ने उनले बताए । अहिले चाडपर्वको समय भएकाले सुदूरपश्चिमका ठुला नाका बाट दैनिक ५ देखी ६ हजारको हाराहारीमा भारतबाट नेपाल आउने नेपालीहरुको भिड रहेको छ । पस्चिमआजसंग बताएका छन् ।