बैतडीः ज्ञानेश्वर माविका थप एक विद्यार्थीमा कोरोना पुष्टि

महेन्द्रनगर:

बैतडीमा थप एकजना विधार्थीमा कोरोना संक्रमण पुष्टि भएको छ । पाटन नगरपालिका ९ स्थित ज्ञानेश्वर नमुना माध्यामिक बिद्यालयमा अध्यानरत थप एक बिद्यार्थीमा कोरोना संक्रमण पुष्टि भएको छ । गत साता बिद्यार्थी र शिक्षकमा कोरोना देखिएपछि उनको कन्ट्याक ट्रेसीङ गर्दा १२ वर्षीया छात्रामा कोरोना पुष्टि भएको हो । गत साता कोरोना पुष्टि भएका शिक्षक र बिद्यार्थीको कन्ट्याक ट्रेसिङका आधारमा १ सय ६ जनाको स्वाब संकलन गरिएको थियो । ति मध्ये ७५ जनाको रिर्पाेट आएकोमा १२ वर्षीय बालिकामा कोरोना पुष्टि भएको पाटन नगरपालिकाका स्वास्थ्य साखा प्रमुख मदन महराले जानकारी दिएका छन् । ३१ जनाको रिर्पाेट आउन बाँकी छ । एक छात्रामा कोरोना देखिएसँगै ज्ञानेश्वर नमुना माविका एक शिक्षक र दुई बिद्यार्थीमा कोरोना पुष्टि भएपनि बिद्यालय भने सञ्चालनमै छ ।