कैलालीमा बसको ठक्करबाट एकजनाको मृत्यु

महेन्द्रनगर । कैलालीमा बसको ठक्करबाट एकजनाको मृत्यु भएको छ । धनगढीमा बसको ठक्करबाट पैदल यात्रुको मृत्यु भएको हो । मोहनापुल–अत्तरिया ६ लेन सडक अन्तर्गत बोराडाँडीमा ना ८ ख २२४२ नम्बरको बसले ठक्कर दिँदा घाइते भएका एक जनाको मृत्यु भएको हो ।
धनगढीबाट अत्तरियातर्फ गइरहेको बसले ठक्कर दिँदा घाइते भएका दार्चुलाका ४५ वर्षीय गणेश बर्मा सुनारको मृत्यु भएको जिल्ला प्रहरी कार्यालय कैलालीले जनाएको छ ।
घाइते सुनारको माया मेट्रो अस्पतालमा उपचारका क्रममा मृत्यु भएको हो । बस र चालक आशिष चौधरी मालाखेती प्रहरीको नियन्त्रणमा छन् ।