गड्डाचौकीबाट एक किशोरी सहित बझाङका एक जना पक्राउ

महेन्द्रनगर । कञ्चनपुरबाट एक किशोरीको उद्धार गरिएको छ । पश्चिमी सीमा नाका गड्डाचौकीबाट १४ वर्षीया किशोरीको उद्धार गरिएको हो । किशोरीलाई ललाई फकाईभारत तर्फ लैजाँदै गर्दा नाकाबाट उद्धार गरिएको छ ।
बझाङको दुर्गाथली गाउँपालिका–२ का करिब ३२ वर्षीय मदन सार्कीले भारततर्फ लैजाँदै गरेका किशोरीको नाकाबाट सशस्त्र प्रहरीले उद्धार गरेको हो । किशोरीलाई इलाका प्रहरी कार्यालय गड्डाचौकीको समन्वयमा शान्ति पुर्नस्थापना केन्द्रमा बुझाइएको सशस्त्र प्रहरी बल नेपाल नम्बर ३५ गण हेडक्वार्टर शैलेश्वरीका सशस्त्र प्रहरी उपरीक्षक वीरेन्द्र ऐरले बताए ।
किशोरी बझाङको छविसपाथिभेरा गाउँपालिका–३ की रहेको उनले जानकारी दिए । सार्कीलाई पनि नियन्त्रणमा लिएर पुर्नस्थापन केन्द्रमा बुझाइएको छ ।