डडेल्धुराकि युवती लागुऔषध सहित पक्राउ

 महेन्द्रनगर:

धनगढीमा लागुऔषध सहित युवती पक्राउ परेकी छिन् डडेल्धुराको अजयमेरु गाउँपालिका–४ घर भई हाल धनगढी उपमहानगरपालिका–१३ राजपुर बस्ने ३४ वर्षीय आशा बिष्टलाई पक्राउ गरिएको जिल्ला प्रहरी कार्यालय कैलालीले जनाएको छ । बुधबार साँझ विशेष सूचनाका आधारमा उनको कोठाबाटै लागुऔषध ब्राउन सुगर सहित उनलाई पक्राउ गरिएको प्रहरीले जिल्ला प्रहरी कार्यालय कैलालीका प्रहरी नायव उपरीक्षक प्रतीक विष्टले बताए । विष्टको साथबाट ९ ग्राम २ सय ७० मिलिग्राम ब्राउन सुगर, ४४ ग्राम ७ सय ७० मिलिग्राम चरेस र १२ हजार २ सय नगद बरामद गरिएको प्रहरीले बताएको छ । आशा विष्टमाथि लागुऔषध मुद्दा शिर्षकमा मुद्धा दर्ता गरी थप अनुसन्धान कार्य भइरहेको जिल्ला प्रहरी कार्यालय कैलालीका प्रहरी नायव उपरीक्षक प्रतीक विष्टले बताए ।