२१ हजार नगद सहित ८ जुवाडे पक्राउ

महेन्द्नगर:

कञ्चनपुरमा ८ जना जुवाडे पक्राउ परेका छन् । शुक्लाफाँटा नगरपालिका– ८ बाट प्रहरीले जुवातास खेलिरहेको बेला ८ जना जुवाडेलाई पक्राउ गरेको हो । जुवातास खेलिरहेको भन्ने विषेश सुचनाका आधारमा इलाका प्रहरी कार्यालय झलारीबाट खटिगएको प्रहरी टोलीले २१ हजार नगद सहित शुक्रवार विहान ५ वजेतिर ८ जना जुवाडेलाई पक्राउ गरिएको इलाका प्रहरी कार्यालय झलारीका प्रहरी निरीक्षक कर्ण बहादुर बोहराले बताए । पक्राउ परेकाहरुमाथि थप अनुसन्धान भइरहेको प्रहरीले बताएको छ । पछिल्लो समय चाडपर्व नजिकिएसंगै आपराधिक घटनाहरु वृद्धि भइरहेका छन् ।