महिला वडा सदस्यको निधन

बैतडी:

बैतडीमा वडा सदस्यको निधन भएको छ । बैतडीको मेलौली नगरपालिका वडा नं १ का ५५ वर्षीया महिला वडा सदस्य द्रोपती चन्दको निधन भएको हो । केही दिनदेखि बिरामी रहेका चन्दको उपचारको क्रममा शुक्रबार बिहान महेन्द्रनगरमा निधन भएको वडा नं १ का वडाअध्यक्ष एवम नगर प्रबक्ता सुरत सिह नेगीले जानकारी दिएका छन् ।
चन्द २०७४ सालको स्थानीय तहको निर्वाचनमा मेलौली नगरपालिका १ बाट नेपाली कांग्रेसको तर्फबाट महिला वडा सदस्यमा विजयी हुनुभएको हो । चन्दको मुटु सम्बन्धि समस्या रहेको बताइएको छ ।