दोधारा चाँदनी नगरपालिकामा बाढीको बितण्डा

महेन्द्रनगर:

आइतबार बेलुकादेखि भइरहेको वर्षाका कारण कञ्चनपुरका अधिकांस वस्ती डुबानमा परेका छन् । महाकाली नदीमा पानीको सतह बढेपछि तटीय क्षेत्रका वस्ती डुबानमा परेका हुन् । बिहान ६ बजेतिर महाकाली नदीमा पानीको सतह ४ लाख ३७ हजार ३ सय १३ क्युसेक पुगेको छ ।

महाकाली नदीको पानी गाउँ पस्दा भीमदत्त नगरपालिका र दोधाराचाँदनीमा गरि १ सय ५० भन्दा बढी घर डुबानमा परेको प्रहरी जनाएको छ । भीमदत्त नगरपालिकाको ओदाली र ऐरीका करिब १ सय घर र दोधारा चाँदनीको कुतियाकबर, शान्ती टोल तथा निसानी टोलमा गरि ६० घर डुबानमा परेका छन् ।

महाकाली नदी तटीय क्षेत्रका बस्ती डुबानमा परेको जिल्ला  प्रहरी कार्यालय कञ्चनपुरका प्रवक्ता सिद्धराज न्यौपानेले बताए । ‘ब्रह्मदेव बजारदेखि झोलुङ्गे पुलसम्म नदी किनारका बस्तीमा पानी पसेको छ,’ उनले भने, ‘अहिलेसम्म मानवीय क्षति भएको छैन् ।’ उद्धारका लागि प्रहरी तथा सशस्त्र प्रहरी परिचालन गरिएको कञ्चनपुर प्रहरीले जनाएको छ ।