नेपाल भारत मैत्री बस पुनःसंचालनमा

 महेन्द्रनगर:

कञ्चनपुरमा नेपाल भारत मैत्री बस पुनः सञ्चालनमा आएको छ । कोरोना कहरका कारण बिगत १९ महिना देखि बन्द रहेका नेपाल भारत मैत्री बस शुक्रवारबाट पुनः संचालनमा आएका हुन । स्वास्थ्य सुरक्षाको पुर्णरुपमा पालना गरेर अहिले महेन्द्रनगरबाट दिल्लीसम्म जानको लागि यात्रूहरुलाई सहज हुने महाकाली यातयात बस व्यावसायी समितीका अध्यक्ष डम्वर पन्तले जानकारी दिएका छन् । तत्कालको लागि भारतबाट मात्रै बसहरु नेपालमा आउने तर नेपालका बसहरु भारतमा जान को लागि केही समय लाग्ने अध्यक्ष पन्तले बताए । विगतमा नेपालीहरुलाई भारतिय सवारी साधनहरुले चर्काे भाडा असुलेर तथा कतिपय नेपालीहरुलाई लुटपाट गर्ने गरेको भएपनि अब नेपाल भारत मैत्री बसहरु संचालन भए पछि उक्त समस्या पनि हटेर जाने उनले बताए । नेपालबाट भारत जानको लागि यात्रुहरुले भारु ७ सय १० रुपैँया तिर्नुपर्ने छ ।

तस्विरः पुस्कर भटट