काँग्रेसका क्षेत्रीय प्रतिनिधि मृत भेटिए

महेन्द्रनगर । अछाममा काँग्रेसका क्षेत्रीय प्रतिनिधि मृत भेटिएका छन् । कमलबजार नगरपालिका ५ कुइका घर भएका ३४ वर्षीय रेशमराज तिमिल्सेना मृत अवस्थामा भेटिएका हुन् ।
१४ दिनदेखि बेपत्ता भएका उनको शव भेटिएको जिल्ला प्रहरी कार्यालय अछामका प्रवक्ता तथा प्रहरी निरीक्षक गंगादत्त बडुले जानकारी दिएका छन् । कार्तिक २ गते गैरिटाँडबाट बेपत्ता भएका उनी गैरिटाँड नजिकै बाँसको झाडीमा मृत फेला परेका हुन् ।
मृतकका आफन्तले हत्या भएको बताउदै अनुसन्धानको माग गरेका छन् । स्थानीयले केही दिनदेखि बेपत्ताको खोजी गर्नुपर्ने माग गर्र्दै आन्दोलन समेत गरेका थिए ।