प्रकाश मल्ल “विनय” ले दुखी को मुहारमा राहत दिएर फर्काए खुसी

महेन्द्रनगर । डडेल्धुराका सामाजिक अभियन्ता समाज सेवी तथा दुखीको घाउमा मल्हम लगाउने व्यक्तित्व प्रकाश मल्ल “विनय” ले (हाल जापान) विपन्न १३ परिवारलाई राहत प्रदान गरेका छन् ।
डडेल्धुराको अमरगढि ३ कोटेउराका १३ परिवारलाई राहत वितरण गरेका हुन् । भौतिक शरीर सात समुद्र पारी भएपनि मन, मस्तिष्क र सदैव आफनो जन्म भुमीमा राखेका उनले गरिव दुखीलाई दिपावलीको उपलक्ष्यमा राहत वितरण गरेका हुन् ।
सात समुद्र पारी विदेशी भूमिमा भएपनि विगत ६ बर्षदेखि निरन्तर रुपमा समाजसेवामा तल्लीन।
समाजसेवी गोपाल दत्त पाणाडे र अमरगढी युवा एकता टिमका सुरत तमोली , चेतराज ओझा , प्रकाश सिङ ऐसकेको नेतृत्वमा रहेको स्थानीय युवाहरू सम्मिलित टोलीले मल्ल द्वारा उपलब्ध गराइएको राहत सामग्री डडेल्धुराको कोटेउराका १३ विपन्न परिवारलाई लत्ताकपडा, दाल, चामल, नुन, तेल सहयोग प्रदान गरेका हुन् ।
विगत ६ वर्षदेखि समाजसेवा गर्दै आएका मल्ल अहिले युवा पुस्ता र विपन्नको मन मुटुमा बसेका छन् । राहत पाउने कोटेउराका विपन्न १३परिवारका घरमूलीले “चाडपर्व धनीको लागि तर गरीबका लागि सधैं दुख भएपनि यसपालिको तिहार पहिलेको भन्दा फरक हुनेछ । राहत पाएकोमा धेरै खुसी लागेको स्थानिय कृष्ण विकले बताए ।
यो चाडपर्वमा घरमा खानको लागि पनि समस्या भएको बेलामा आफना वालवालिकालाई पनि खुसि दिएकामा मल्ललाई धेरैधेरै धन्यवाद दिन चाहन्छु उनले भने, हामीले जापानमा बस्नु हुने प्रकाश मल्ल “विनय” लाई हृदयदेखि नै धन्यवाद भन्न चाहन्छौं”