भिरबाट खसेर कञ्चनपुरका युवकको मृत्यु

महेन्द्रनगर । दार्चुलामा भिरबाट खसेर कञ्चनपुरका एक युवकको मृत्यु भएको छ । जात्राबाट फर्किने क्रममा भिरबाट खसेर एक पुरुषको मृत्यु भएको हो ।
हिजो (शनिबार) शैल्यशिखर नगरपालिका–७ बोहरीगाउँ, बन्तोलीमा लागेको जात्रा हेर्न गएका कञ्चपुरका भिमदत्त नगरपालिका मटेनाका अन्दाजी २६ वर्षीय रुपेश रानाको जात्राबाट फर्किने क्रममा भिरबाट खसेर मृत्यु भएको इलाका प्रहरी कार्यालय गोकुलेश्वरका प्रहरी प्रमुख प्रहरी निरीक्षक अरुण बमले बताए ।
भिरबाट खसेर घाइते भएका रानालाई गोकुलेश्वर अस्पताल पुगाउँदा बाटोमै उनको मृत्यु भएको हो । मृतकको शव पोष्टमार्टमका लागि गोकुलेश्वर अस्पतालमा राखिएको छ ।