हात्तीको बथानले घर भत्कायो, स्थानिय त्रसित

 महेन्द्रनगर:

कञ्चनपुरमा फेरी हात्तीको बथानले दुख दिन थालेको छ । लालझाडी गाउँपालिका १ नौरङ्गाका कालुराम सार्कीको घर जँगली हात्तिको बथानले भत्काएको छ । शुक्रवार बिहान १ बजे आएका जँगली हात्तिको बथानले कालुरामको घर भत्काएको हो । चामल, लत्ताकपडा, बारिमा लगाईएको तरकारी बालि र अन्न बालि समेत नोक्सान गरेको पिडित कालुराम सार्कीले बताए । राती सुतेको समयमा हात्ती को बतान आएको र धनको नोक्सान भएपनि भागेर आफनो ज्यान जोगाउन सफल भएकोे उनले बताए । सिमावर्ती भारतीय जँगल दुधुवा राष्ट्रिय निकुञ्ज बाट हात्ती आएको हुन सक्ने वार्ड नं. १ का वडाध्यक्ष छेमानन्द रानाले बताए । जँगली हात्तिको आतँकले स्थानियहरु त्रसित भएको र हात्ति आतँक नियन्त्रण गर्नका लागि कुनै विकल्प नरहेको उनले बताए । कञ्चनपुरको लालझाडी गाउँपालिका र पुनर्वास नगरपालिकामा विभिन्न समयमा हात्तिले आतँक मच्चाउदै आएका छन् ।