बडुवाल हत्या प्रकरणः अनुसन्धानमा सीआईबी खटाउने तयारी

महेन्द्रनगर:

कैलालीको लम्कीचुहा नगरपालिका–१ का २३ वर्षीय भूपेन्द्र बडुवालको हत्या अनुसन्धानमा नेपाल प्रहरीको केन्द्रीय अनुसन्धान ब्युरो (सीआईबी)को टोली खटाउने तयारी भएको छ । जिल्ला प्रहरी कार्यालयको आग्रहमा सीआईबीको टोली खटाउने तयारी गरिएको हो । गएको मंगलबार राति २३ वर्षीय भूपेन्द्रको टीकापुरमा हत्या भएको थियो । हत्यामा संलग्न रहेको आरोपमा प्रह्।ीले ८जनालाई पक्राउ गरेको छ । अरू तीनजना फरार छन् । होटेल संगम चिसापानीका सञ्चालक नवीन रावलको योजनामा खुकुरी प्रहार गरेर उनको हत्या भएको प्रहरीको दाबी छ उनी फरार छन् । अनुसन्धानमा संलग्न एक अधिकारीले भने, “यो संगठित अपराध हो । यसका प्रमाण जुटाउन र पुष्टि गर्न सीआईबीको आवश्यकता महसुस गरेपछि सीआईबीले सघाउनेछ ।” गम्भीर प्रकारका अनुसन्धानमा सीआईबीको टोली परिचालित हुँदै आएको छ ।