कैलालीको टीकापुर साक्षर नगरपालिका घोषणा

महेन्द्रनगर:

कैलालीको टीकापुर नगरपालिका साक्षर नगरपालिका घोषणा गरिएको छ । सुदूरपश्चिम प्रदेश सरकारका सामाजिक विकास मन्त्री लालबहादुर खड्काले एक कार्यक्रमबिच शनिवार टीकापुरलाई साक्षर नगरपालिका घोषणा गरेका हुन् । नगरप्रमुख तपेन्द्रबहादुर रावलले सरकारले तोकेको मापदण्ड अनुसार साक्षर नगर घोषणा गरिएको र बाँकी निरक्षर र विद्यालय बाहिरका बालबालिकालाई विद्यालयमा भर्ना गरिने बताए । १३ वटा पालिका रहेको कैलालीमा टीकापुर तेस्रो साक्षर नगरपालिका भएको छ । जोशीपुर र जानकी गाउँपालिका यसअघि नै साक्षर घोषणा भैसकेका छन् ।