प्रधानमन्त्री देउवा र पत्नी आरजु महाधिवेशन प्रतिनिधिमा सर्वसम्मत चयन

महेन्द्रनगर । प्रधानमन्त्री तथा नेपाली काँग्रेसका सभापति शेरबहादुर देउवा र उनकी पत्नी डा.आरजु राणा देउवा महाधिवेशन प्रतिनिधिका लागि सर्वसम्मत चयन भएका छन् । दुवै जना गृह जिल्ला डडेल्धुराबाट महाधिवेशन प्रतिनिधिमा सर्वसम्मत चयन भएको निर्वाचन अधिकृत लोकेन्द्रबहादुर बमले जानकारी दिए । सभापति देउवाले मञ्जुरीनामा मार्फत उम्मेदवारी दिएका थिए ।
कांग्रेस पार्टीको विधानको धारा १५ को उपधारा १ ग मा केन्द्रीय समितिका पदाधिकारी र सदस्य स्वतः एक अवधिका लागि महाधिवेशन प्रतिनिधि हुने उल्लेख छ ।
यस्तै, देउवा पत्नी डा.आरजु राणा देउवा महाअधिवेसन प्रतिनिधिमा सर्वसम्मत चयन भएकी छिन् । यस्तै सरस्वती खड्का, कौशिल्ला कुमारी भट्ट र कलावती बोहरा र डा राणा गरी ४ जना महिला महाधिवेशन प्रतिनिधिमा सर्वसम्मत चयन भएका छन् । जिल्ला कार्य समितिको उपसभापति पदमा डिल्ली राज जोशी र लक्ष्मी प्रसाद अवस्थी सर्वसम्मत चयन भएका छन्। सह–सचीवमा प्रेमबहादुर महर र गोविन्दराज बोहरा सर्वसम्मत भएका छन् ।