अष्ट्रेलियाको सिड्नीमा थप एम महीनाको लागि लकडाउन थपिएको छ

अष्ट्रेलियाको सिड्नीमा थप एम महीनाको लागि लकडाउन थपिएको छ  । कोभिड-१९ को संक्रमण देखिएसँगै न्यु साउथ वेल्सकी प्रिमियर ग्लाडिस बेरेजिक्लियानले शुक्रबारबाट सहरमा लकडाउन खुकुलो पार्नु सम्भव नरहेको बताएकी हुन् । अहिले थपिएको एक महीनाको लागि लकडाउनको नियम अझै कडा बनाइएको छ । सरकारले सीमा बन्द गर्ने, बाहिरबाट आउनेलाई क्वारेन्टिनमा राख्नेलगायतका व्यवस्था गर्दै संक्रमण नियन्त्रण गर्दै आएको छ ।  पछिल्लो समय कोरोनाको डेल्टा भेरियन्टको संक्रमण फैलिएसँगै अष्ट्रेलियामा संक्रमण बढेको छ । अष्ट्रेलियाको भिक्टोरिया र साउथ अष्ट्रेलियामा लगाइएको लकडाउन भने बुधबारबाट हटेको छ ।