मोटरसाइकललाई ठक्कर दिँदा बेलौरीका एक जनाको मृत्यु

महेन्द्रनगर ।

कैलालीमा ट्रकले मोटरसाइकललाई ठक्कर दिँदा एक जनाको मृत्यु भएको छ । मोटरसाइकल चालक कञ्चनपुरको बेलौरीका ५० वर्षीय बसन्तराज शर्माको मृत्यु भएको जिल्ला प्रहरी कार्यालयले जनाएको छ । घोडाघोडी नगरपालिका वडा नम्बर ५ डोकेबजारमा पश्चिमबाट पुर्व तर्फ गइरहेको सु.प.प्र.०१ ००८ प ५४७५ नम्बरको मोटरसाइकललाई विपरीत दिशाबाट आइरहेको लु १ ख ४६६६ नम्बरको ट्रकले ठक्कर दिएको थियो । उनी ट्रकको ठक्कर पछि घाइते भएको र उनको घोडाघोडी अस्पतालमा उपचारका क्रममा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ । ट्रक चालक फरार रहेको र खोजी कार्य भइरहेको प्रहरीले बताएको छ ।