अछाम बस दुर्घटनाः मृतकको सनाखत,२६ जना घाइते

 महेन्द्रनगर:

अछाम बस दुर्घटनामा ज्यान गुमाउनेको सनाखत भएको छ । मंगलबार अपरान्ह अछाममा भएको बस दुर्घटनाका मृत्यु हुनेमा अछामको मंगलसैन नगरपालिका–१४ का ५७ वर्षीय टंकबहादुर भण्डारी र मंगलसैन नगरपालिका–१ का २१ वर्षीय एकेन्द्र थापा रहेको सुदूरपश्चिम ट्राफिक कार्यालय अत्तरियाका इन्सपेक्टर राजेन्द्रबहादुर सिंहले बताए । धनगढीका लागि छुटेको ना ६ ख ८२९ नम्बरको बस मंगलसैनकै डाँडाबाघ भन्ने ठाउँमा दुर्घटना हुँदा दुई जनाको मृत्यु भएको थियो । बस सडकभन्दा १० मिटर तले खसेको थियो । बसमा सवार अन्य २६ जना घाइतेको स्थानीय अस्पतलामा उपचार भइरहेको प्रहरीको भनाइ छ ।