कैलालीमा चोर िगरिरहेको अवस्थामा ४ जना पक्राउ

महेन्द्रनगर । धनगढीमा चोरी गरेको आरोपमा प्रहरीले ४ जनालाई पक्राउ गरेको छ । मंगलबार बिहान ३ बजे धनगढी उपमहानगरपालिका–१ कैलाली पुलमा रहेको उग्रतारा ट्रेडिङ हाउसबाट ताला तोडेर चोरी गरिरहेको अवस्थामा उनीहरुलाई पक्राउ गरिएको जिल्ला प्रहरी कार्यालय कैलालीले जनाएको छ ।
पक्राउ पर्नेमा धनगढी–१ शान्तिनगर बस्ने लोकेन्द्र सिंह सामन्त, उमेश भनिने आलोक चौधरी, विवेक साउद र बाजुराको बुढीगंगा गाउँपालिका–८ का निकास नेपाली रहेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक बेदप्रकाश जोशीले बताए ।
पक्राउ परेकाहरुमाथि चोरी शिर्षकमा मुद्दा दर्ता गरी थप अनुसन्धान भइरहेको उनले बताए ।