कञ्चनपुरमा लागुऔषधसहित तीनजना पक्राउ

कञ्चनपुर:

कञ्चनपुरमा लागुऔषधसहित तीनजना पक्राउ परेका छन् । पक्राउ पर्नेहरूमा लालझाडी गाउँपालिका(१ बिनाबारीका १९ वर्षीय अनिल राना, २० वर्षीय रवीन्द्र वडायक र २३ वर्षीय नरेश राना रहेका छन् । गस्तीमा रहेका सशस्त्र प्रहरीको टोलीले उनीहरुलाई भारतबाट नेपालतर्फ आउँदै गर्दा पुनर्वास नगरपालिका(४ कार्गिलडाँडाबाट पक्राउ गरेको हो । उनीहरूको साथबाट प्रहरीले १३ थान नेट्राभेट (१० ट्याबलेट, तीन थान मोबाइल र से ३ प ७५२५ नम्बरको मोटरसाइकल बरामद गरेको छ । प्रहरीले तीनैजनालाई आवश्यक कारबाहीका लागि प्रक्रिया अगाडि बढाएको छ ।