एकिकृत समाजवादी कञ्चनपुरद्धारा बेदकोटमा संगठन विस्तार

महेन्द्रनगर:

नेकपा एकिकृत समाजवादी कञ्चनपुरले संगठन विस्तारलाई तिव्रता दिईरहेको छ । मंगलवार नेकपा एकिकृत समाजवादी कञ्चनपुरले बेदकोट नगरपालिका मा वडा समन्वय समिती गठन गरेको छ । बेदकोट नगरपालिका वडा नं ३ र ४ मा वडा समन्वय समिति गठन गरिएको हो । बेदकोट नगरपालिका वडा नं ३ मा दानबहादुर भण्डारीको संयोजकत्वमा ११ सदस्यिय समिति गठन गरेको छ । मंगलवार उक्त कार्यक्रमको आयोजना गरिएको अनेरास्ववियु केन्द्रिय सदस्य पुष्कर भट्टले जानकारी दिएका छन् । बेदकोट नगरपालिका वडा नं ३ मा कार्यक्रम को अध्यक्षता समाजसेवी जयराज जोशीले गरेका थिए भने, प्रमुख अतिथिमा नेकपा (एकीकृत समाजवादी) केन्द्रीय लेखा आयोग सदस्यसुरेन्द्र केसी, विशिष्ट अथितिमा निर्वाचन आयोग सदस्य विर बहादुर बुढाथोकी रहेका थिए । अथितिमा जिल्ला सचिवालय सदस्य तथा नगर इन्चार्ज महेश राज जोशी, जिल्ला सदस्य तथा राष्ट्रिय जनसांस्कृतिक महासंघ जिल्ला संयोजक ललित चन्द, अनेरास्ववियु केन्द्रिय सदस्य पुष्कर भट्ट लगायतका नेता कार्यकर्ता को उपस्थित रहेको थियो । उता, बेदकोट नगरपालिका वडा नं ४ (वगुन टोल ) मा राम बहादुर ऐडी संयोजकत्वमा २७ सदस्यीय वडा समन्वय समिति गठन गरिएको छ । वडा समन्वय समिति कार्यक्रम को अध्यक्षतामा नेकपा एकीकृत समाजवादी नेता राम बहादुर ऐडी रहेका थिउ भने, प्रमुख अतिथिमा नेकपा (एकीकृत समाजवादी) निर्वाचन आयोग सदस्य विर बहादुर बुढाथोकी अथितिमा जिल्ला सचिवालय सदस्य तथा नगर इन्चार्ज महेश राज जोशी, , जिल्ला सदस्य तथा कार्यपालिका सदस्य नन्दकला पुलामी जिल्ला सदस्य भिम बहादुर भाट लालमणि जोशी र केशव खड्का , युवा संघका सचिवालय सदस्य उमेश बाब्लि लगायत को नेता कार्यकर्ता को उपस्थित मा कार्यक्रम सम्पन्न भएको थियो । तिनै तहको निर्वाचनको पुर्व सन्ध्यामा पार्टीको संगठनलाई वलियो वनाई नेपाली जनताको भरोसा योग्य पार्टीको रूपमा काम गर्न नागरिलाई संगठित गर्दै एकीकृत समाजवादी अधि वढिरहेको अनेरास्ववियु केन्द्रिय सदस्य पुष्कर भट्टले बताए ।