प्रधानमन्त्री कप महिला क्रिकेट प्रतियोगिताको सेमिफाइनलमा

महेन्द्रनगर:

प्रधानमन्त्री कप महिला राष्ट्रिय क्रिकेट प्रतियोगितामा सुदूरपश्चिम प्रदेश सेमिफाइनलमा पुगेको छ । प्रदेश नम्बर २ लाई ८७ रनले पराजित गर्दै सुदूरपश्चिम अन्तिम चारमा पुगेको हो । बिहीबार फाप्ला क्रिकेट मैदानमा भएको खेलमा टस हारे ब्याटिङको निम्तो पाएको सुदूरपश्चिमले निर्धारित २० ओभरमा ५ विकेट गुमाउदै १ सय ४३ रन बनाएको थियोे । विन्दु रावलले सबै भन्दा बढी अर्धशतकीय पारी खेलेकी थिईन् त्यस्तै रुवि पोदारले २१ रन, डल्ली भट्टले १५ रन बनाउँदा कविता जोशी र संगीता धामीले समान १३÷१३ रन बनाइन् । प्रदेश २ का लागि विमला मगरले २ विकेट लिइन् । यस्तै साना प्रविन, अनुराधा चौधरीले एक÷एक विकेट लिइन् । १ सय ४४ रनको विजय लक्ष्य पछ्याएको प्रदेश २ ले २० ओभरमा ८ विकेट गुमाउँदै ५६ रन मात्रै बनाउन सक्यो। प्रदेश २ का लागि साना प्रविनले अविजित १४ र विमला मगरले १२ रन बनाइन् । सुदुरपश्चिमका लागि कविता जोशी र लक्ष्मी साउँदले समान २÷२ विकेट लिइन् । इश्वरी विष्टले १ विकेट लिइन। सुदूरपश्चिमकी विन्दु रावल प्लेयर अफ द म्याच भइन् ।