कञ्चनपुरमा लागुऔषध सहित ३ जना पक्राउ

महेन्द्रनगर । कञ्चनपुरमा लागुऔषध प्रयोगकर्ताहरु बढदै गईरहेका छन् । जिल्ला प्रहरी कार्यालय कञ्चनपुरले युवतीसहित लागुऔषध सहित ३ जना पक्राउ परेका छन् । बेदकोट नगरपालिका १० सिसैया चोकबाट उनीहरुलाई पक्राउ गरिएको जिल्ला प्रहरी कार्यालय कञ्चनपुरले जनाएको छ । पक्राउ पर्नेमा बेदकोट–५ का ३२ वर्षीय धनबहादुर धानुक, वडा नम्वर ९ नयागाँउ बस्ने २१ वर्षीय पारश थापा र कृष्णपुर–५ देखतभोलिकी १९ वर्षीया मनिषा बिष्ट रहेका छन्् ।
उनीहरुको साथबाट १.०१ ग्राम लागुऔषध खैरो हिरोइन बरामद गरेको कञ्चनपुर प्रहरीका प्रहरी नायब उपरीक्षक चक्रबहादुर शाहले बताए । पक्राउ परेका सबैमाथि थप अनुसन्धान भइरहेको उनले बताए ।