एकीकृत समाजवादिको शुक्लाफाटामा वडा भेला सम्पन्न

महेन्द्रनगर:

नेपाल कम्युनिस्ट पार्टी एकीकृत समाजवादि कञ्चनपुरले आफनो संगठन विस्तारलाई तिव्रता दिईरहेको छ । को वडा नम्बर ११ को वडा भेला सम्पन्न भएको छ । शुक्लाफाटा नगरपालिका वडा नम्बर ११ मा पदम कामी तिरुवाको अध्यक्षतामा ४१ सदस्यीय वडा कमिटि सर्व सम्मत चयन गरेको छ । समाजसेवी बम्मन रानाको सभापतित्वमा बिहीवार सम्पन्न भेलाको प्रमुख अतिथि प्रदेश कमिटि सदस्य रन सिंह सुनार रहेका थिए । कार्यक्रममा विशिष्ट अतिथि जिल्ला कमिटि सदस्य तथा पार्टीका नगर इन्चार्ज दिल बहादुर रहेका थिए । उक्त भेलाले युबा समाजसेवी नेकपा माओवादी परित्याग गरि नेपाल कम्युनिस्ट पार्टि एकीकृत समाजवादीमा प्रवेश गरेका राम बहादुर रावल कमिटिको उपाध्यक्षमा चयन भएका छन् । भेलामा पार्टीका जिल्ला कमिटि सदस्य तथा शुक्लाफाँटा नगरपालिका वडा नम्बर १ का वडा अध्यक्ष हरिश विष्ट, जिल्ला सदस्य तथा नेपाल दलित मुक्ति संगठनका उपसचिव जोगी सिंह सोब, पार्टि जिल्ला सदस्य जय बहादुर विष्ट,सरला विष्ट,दिनेश भण्डारी लगायत नेता कार्यकर्ताहरुको सहभागिता रहेको थियो ।