कञ्चनपुरमा गैँडाको आक्रमण बाट एकजना घाईते

महेन्द्रनगर:

कञ्चनपुरमा गैँडाको आक्रमण बाट एकजना घाईते भएका छन् । भीमदत्त नगरपालिका १९ बागफाँटा खल्लामा रहेका स्थानियलाई अन्दाजी ५५ बर्षका रामसिंह नायकलाई गैँडाले आक्रमण गर्दा उनको छातीमा र दाँया खुटटामा चोट लागेको शुक्लाफाँटा निकुञ्जका रेञ्जर भुवन चौधरीले मानसखण्डलाई जानकारी दिएका छन् । शनिवार देखी खरखडाई चलिरहेकाले दिउँसो स्थानयिहरु श्ुक्लाफाँटा निकुञ्ज नजिक रहेको मालुमेला पोष्ट बाघ मचान नजिक खर काटी रहेको बेलामा उनलाई गैँडाले आक्रमण गरेको स्थानिय प्रेम चन्दले बताए । अहिले घाईते नायकको महाकाली प्रादेशिक अस्पतालमा उपचार भई रहेको छ ।