एकीकृत समाजवादी मार्मा गाउँपालिकाको प्रथम गाउँ भेला सम्पन्न

महेन्द्रनगर । नेकपा (एकीकृत समाजवादी) ले दार्चुलामा आफ्नो संगठन विस्तार अभियानलाई तीव्रता दिएको छ । यसैक्रममा मार्मा गाउँपालिकाको प्रथम भेला सम्पन्न भएको छ ।
नेकपा (एकीकृत समाजवादी) का केन्द्रीय सदस्य एवं सुदूरपश्चिम प्रदेशका आन्तरिक मामिला तथा कानून मन्त्री पुर्णा जोशीको प्रमुख आतिथ्यतामा मार्मा गाउँपालिकाको प्रथम गाउँपालिका भेला सम्पन्न भएको हो ।
भेलाबाट जगतसिंह बिष्ट (सोबन) गाउँ कमिटी अध्यक्षमा सर्बसम्मत चयन भएका छन् । यस्तै उपाध्यक्षमा बिसन सिंह धामी र हरक सिंह बिस्ट, सचिवमा हेमराज जोशी रहने गरि ३७ सदस्यीय गाउँपालिका कमिटी चयन गरिएको जिल्ला कमिटी अध्यक्ष बिरबहादुर ठगुन्नाले बताए ।
उक्त भेलालाई सम्बोधन गर्दै मन्त्री जोशीले देशकै एक नम्बरको पार्टी बनाउने अध्यक्ष माधब नेपालको सपना सकार गर्न आफुले नेकपा एकीकृत समाजवादी रोजेको बताएका छन् ।
भेलामा एकीकृत समाजवादीका प्रदेश कमिटी सदस्य ईन्द्रसिंह बिष्ट, प्रदेश कमिटी सदस्य गणेशकुमार जोशी, जिल्ला कमिटी अध्यक्ष बिरबहादुर ठगुन्ना लगायतका अन्य नेताहरुको आतिथ्यता रहेको थियो ।