भारतबाट आउनेमा कोरोना संक्रमण बढी, विहिवार ७० जनामा पुष्टि

महेन्द्रनगर । भारतको राजधानी दिल्ली, हैदरावाद मुम्वई बाट आउने नेपालीहरुमा कोरोना संक्रमण दर उच्च रहेको पाईएको छ । विगत तिन दिन यता को तथ्याङक हेर्ने हो भने मंगलवार १३ जना, वुधवार २० जना र विहिवार ७० जनामा कोरोना संक्रमण देखिएको जिल्ला स्वास्थ्य कार्यालयले जनाएको छ । तिन दिनमै १ सय भन्दा बढीमा कोरोना संक्रमण देखिएको हो ।
यो अवस्थालाई मध्ये नजर गर्दा अहिले छिमेकी राष्ट्र भारतबाट आउनेको संख्या बढदै गई रहेको छ भने अर्काे तर्फ संक्रमितको संख्यामा पनि वृद्धी भईरहेको छ ।
कञ्चनपुरमा विहिवारको कोरोना अवस्था
कञ्चनपुरमा कोरोना संक्रमितको संख्या दिननुदिन बढदै गईरहेका पाईएको छ । विहिवार एकैदिन ७० जनामा कोरोना संक्रमित फेला परेको हो । भारतमा पनि कोरोना संक्रमितको संख्या बढी रहेको अवस्थामा नाकामा गरिएको परिक्षणबाट संक्रमितको संख्या बढदै गईरहेको जिल्ला स्वास्थ्य कार्यालयले जनाएको छ ।
एन्टिजिन बिधीबाट गरिएको परिक्षणमा ६० जना पिसिआर परिक्षणबाट १० जनामा कोरोना पुष्टि भएको हो । विहिवार कोरोना पुष्टि हुनेमा भीमदत्तमा १ जना, वेदकोट नगरपालिकामा २ जना, शुक्लाफाँटा र पुर्नवासमा १(१ जना, गडडाचौकीमा ५९ जना, र बाहिरी जिल्लाका ६ जनामा कोरोना संक्रमण पुष्टि भएको जिल्ला स्वास्थ्य कार्यालयले जारी गरेको सुचनामा उल्लेख गरिएको छ । यो सहित कञ्चनपुरमा कोरोना संक्रमितको अहिले सम्मको संख्या ९ हजार १ सय ६३ पुगेको छ ।
जिल्लामा सक्रिय संक्रमितको संख्या १ सय १० रहेको छ । आज ६ जनाले कोरोना जितेर घर फर्किएका छन् । अहिलेसम्म कोरोनालाई जित्नेको संख्या ८ हजार ८ सय ३२ रहेको छ । कोरोनाबाट मृत्यु हुनेको संख्या २ सय ५ पुगेको छ ।