धनगढीमा प्रहरीले ४५ खसी बोकासहित तीन जना पक्राउ

धनगढी:
धनगढीमा प्रहरीले ४५ खसी बोकासहित तीन जनालाई पक्राउ गरेको छ। आज (बिहिवार) धनगढी उप–महानगरपालिका वडा नं–२ चौरहाबाट उनीहरुलाइ पक्राउ गरिउको हो। पक्राउ पर्नेमा पाँचथर फिदिम नगरपालिकाका टंकबहादुर थापा, तनहुँ फिरफिरेका तिलप्रसाद पौडेल र कञ्चनपुर पुर्नवासका रामकिशोर राना रहेका छन् ।
कैलाली प्रहरीका अनुसार कञ्चनपुरको पुर्नवास–८ बस्ने ३६ वर्षीय रामकिशोर रानाले चलाएको सु.प.प्र ०१–००२ त ५१८२ नम्बरको ट्याक्टरमा ४५ ओटा खसी बोका अवैध रुपमा ओसारपसार गर्दैगर्दा पक्राउ गरिएको हो ।
वडा प्रहरी कार्यालय धनगढीको प्रहरी टोलीले ट्याकटरसहित उनीहरुलाई नियन्त्रणमा लिएर कारबाहीको लागि कैलाली भन्सार कार्यालय त्रिनगर पठाएको जनाएको छ ।