कञ्चनपुरमा प्रहरीले लेनदेन मुद्धाकी फरार कसुरदारलाइ पक्राउ

महेन्द्रनगर:

कञ्चनपुरमा प्रहरीले लेनदेन मुद्धाकी फरार कसुरदारलाइ पक्राउ गरेको छ । भिमदत्त नगरपालिका ५ वनगाँउ बस्ने नरमाया तामाङलाई जिल्ला प्रहरी कार्यालय कञ्चनपुरको प्रहरी टोलीले आज (शुक्रबार) पक्राउ गरेको हो । कञ्चनपुर जिल्ला अदालतको मिति २०७७।०८।०९ गतेको फैसलाले उनलाइ ३ बर्ष कैद सजाय तोकेको थियो । तर, उनी फरार रहेकी थिइन्। उनी लेनदेन मुद्धाकी कसुरदार हुन् । फरार तामाङलाई पक्राउ गरेर अदालतमा पेश गरिएको र अदालतबाट कैदी पुर्जी जारी गरी कैद सजाय भुक्तानको लागी कारागार चलान गरिएको बताइएको छ ।