नेकपा एमाले कैलालीको अध्यक्षमा रतन थापा निर्वाचित

महेन्द्रनगर । नेकपा एमाले कैलालीको अध्यक्षमा रतन थापा निर्वाचित भएका छन् । अध्यक्षका अर्का प्रत्यासी रणबहादुर चन्दलाई ४ मतले पराजित गर्दै थापा आठौं अधिवेशनबाट जिल्ला अध्यक्षमा निर्वाचित भएका हुन् ।
थापाले २ सय ८७ मत पाउँदा चन्दले २ सय ८३ मत पाएका छन् । यस्तै उपाध्यक्षमा सीताराम बुढाथोकीलाई पराजित गर्दै दुर्गाप्रसाद जोशी विजयी भएका छन्। जोशीले ३ सय २७ मत पाए भने बुढाथोकीले २ सय ९ मत पाए । सचिवमा डेजी पाण्डेले २ सय ९४ मत ल्याएर विजयी भएका छन् । उनका प्रतिद्वन्दी दानबहादुर विकले २ सय ६० मत पाए । यस्तै उपसचिवमा ममता चौधरी र लोकेन्दबहादुर शाही विजयी भएका छन् ।