डब्लुएचआरद्धारा १३ जना एकल महिलालाई बाख्रा बितरण

महेन्द्रनगर । मानव अधिकारको लागि महिला एकल महिला समुह (डब्लुएचआर) कञ्चनपुरको समन्वयमा एकल महहिलाहरुलाई बाख्रा वितरण गरेको छ । सोमबार शुक्लाफाटा नगरपालिका १ मा रहेको लगनशिल एकल महिला समुहमा आवद्ध १३ जना एकल महिलालाई वडा कार्यालयले प्रतिव्यक्ति एक÷एक बाख्रा वितरण गरेको हो ।
बाख्रा वितरण कार्यक्रमका प्रमुख अथिति शुक्लाफाँटा नगर पालिका वडा नंं १ का वडा अध्यक्ष हरीष बिष्टले एकल महिलाको आयआर्जनमा टेवा पुगोस भन्ने उदेस्यले स्थानिय लगनशिल एकल महिला समुहको मागका आधारमा एकल महिलाहरुलाई एकएक ओटा बाख्रा बितरण गरिएको बताए । उनले वडा कार्यालयबाट आगामी दिनमा पनि सिमान्तकृत एकल महिलालाई सहयोग गर्ने प्रतिवद्धता ब्यक्त गरे ।
कार्यक्रमका बिशिष्ठ अथिति डब्लुएचआर कञ्चनपुरका अध्यक्ष जानकी जोशीले वडा कार्यालयको बाख्रा सहयोगले एकल महिलाको आयआर्जनमा सहयोग पुग्ने बिश्वास ब्यक्त गरे ।
लगनशिल एकल महिला समुहको माग तथा डब्लुएचआरको समन्वयमा शुक्लाफाँटा नगर पालिका वडा नं.१ को कार्यालयबाट एकल महिलाकालागि बनियोजित बजेट बाट १३ जना एकल महिलालाई बाख्रा बितरण गरिएको डब्लुएचआर कञ्चनपुरका कार्यक्रम संयोजक बिर बहादुर नेपालीले बताए ।
लगनशिल एकल महिला समुहका अध्यक्ष लक्ष्मी जोशीको अध्यक्षता तथा शुक्लाफाँटा नगर पालिका वडा नं. १ का वडा अध्यक्ष हरीष बिष्ट को प्रमुख आथित्वमा सञ्चालन भएको कार्यक्रममा डब्लुएचआर कञ्चनपुर का कार्यक्रम संयोजक बिर बहादुर नेपालीले सहजीकरण गरेका थिए ।