सुदूरपश्चिममा ३ सय १८ जनामा कोरोना पुष्टि, २२७ जना भारतबाट आजै फर्केका

महेन्द्रनगर । सुदूरपश्चिम प्रदेशमा आज ३ सय १८ जनामा कोरोना संक्रमण पुष्टि भएको छ । स्वास्थ्य निर्देशनालयका अनुसार ६३ जनाको पीसीआरमार्फत र दुई सय ५५ जनाको एन्टिजेनमार्फत परीक्षण गर्दा संक्रमण पुष्टि भएको हो ।
आज दुई हजार २०५ जनाको परीक्षण गरिएको निर्देशनालयले जनाएको छ । आज संक्रमण पुष्टि भएका तीन सय १८ जनामध्ये दुई सय २७ जना आजै भारतबाट आएका नागरिक हुन् ।
त्रिनगर–गौरीफन्टा नाकाबाट भित्रिएका १ सय ११, गड्डाचौकी नाका भएर स्वदेश फर्केका १ सय ५, पुलघाटबाट फर्केका ५ जना र जुलाघाटबाट फर्केका ६ जनामा संक्रमण पुष्टि भएको हो। सुदूरपश्चिमका नाका भएर आजदुइृ हजार ७० नेपाली स्वदेश फर्केका छन्।