सिमा क्षेत्रबाट भारत जान लागेकि एक महिलाको उद्धार

दोधारा । दोधारा चादनी नगरपालिकाको सिमा क्षेत्रबाट भारत जान लागेकि एक महिलाको उद्धार गरिएको छ् । दैजी गाबिस हाल बेतकोट नगरपालिका धरमपुर बस्ने वर्ष अन्ताजी २९ कि एक महिला दोधारा चा“दनी नगरपालिका वडा नं. १० कुतियाकवर नेपाल–भारत सिमा नजिकबाट भारत जान लागेको अवस्थामा सशस्त्र प्रहरी सिमा सुरक्षा बल बोडर आउट पोष्ट दोधारा चादनी (कुतियावकर), बाबाथान प्रहरी चौकी र माईती नेपालको टोलीले उद्धार गरेको हो । दोधारा चादनी नगरपालिकाको कुतियावकर क्षेत्रबाट महिला भारत जान हिडेको अवस्थामा सशस्त्र प्रहरी सिमा सुरक्षा बल बोडर आउट पोष्ट दोधारा चादनी (कुतियावकर) को एक टोलीले रोकेको हो । सशस्त्र प्रहरी सिमा सुरक्षा बल बोडर आउट पोष्ट दोधारा चादनी (कुतियावकर)का सई देबेन्द्र नाथका अनुसार जोखिमरुपमा चोटपटक लागेको अवस्थामा एक्लै महिला भारत जान लागेको अवस्थामा सोधपुछ गर्दा शंकाको आधारमा उक्त महिलालाई रोकेको बताएका छन् । महिलाको हात र मुखमा निलडाम हुने गरि चोट देखिएको बताईएको छ् । सशस्त्र प्रहरी सिमा सुरक्षा बल बोडर आउट पोष्ट दोधारा चादनी (कुतियावकर), बाबाथान प्रहरी चौकी र माईती नेपालको टोलीले प्राथमिक स्वास्थ्य केन्द्र दोधारामा उनको उपचारपछि ईलाका प्रहरी कार्यालय दोधारा चादनी ल्याईएका थिए । मानसिक अवस्था अलिक कमजोर जस्तो देखिएको ति, महिलालाई थप अनुसन्धानको लागी जिल्ला प्रहरी कार्यालय पठाईएको ईलाका प्रहरी कार्यालय दोधारा चादनीका प्रहरी निरिक्षक भरत राज गिरीले बताएका छन् ।