वेदकोट नगरपालिकामा अत्यावश्यक बाहेक सबै सेवा प्रवाह बन्द गर्ने निर्णय

महेन्द्रनगर । कञ्चनपुरका स्थानिय तहमा कर्मचारी तथा जनप्रतिनिधीहरुमा धमाधम कोरोना संक्रमण पुष्टि हुन थालेपछि सेवासुविधा दिन असमर्थ भन्दै बन्द गर्नुपने अवस्था आएको छ । वेदकोट नगरपालिकाले पनि मंगलवार एक सुचना जारी गर्दै अत्यावश्यक बाहेकका सबै सेवा प्रवाह बन्द गर्ने निर्णय गरिएको हो ।                     
प्रमुख प्रशासकीय अधिकृत पदम राज भट्टद्धारा हस्ताक्षरित सुचनामा वेदकोट नगरपालिकाका केही जनप्रतिनिधि र कर्मचारीहरू तथा नागरिक माझ पनि कोभिड १९ को सङ्क्रमण पुष्टि भएको पाइएकोले यही माघ १२ देखि माघ १७ गतेसम्मका लागि सेवा प्रवाह बन्द गर्ने निर्णय गरिएको जनाईएको छ ।