आर्थिक मामिला राज्यमन्त्री का पर्सनल (पिएसओ) मृत फेला

महेन्द्रनगर: धनगढीमा एकजना प्रहरी हवल्दार मृत फेला परेका छन्। जिल्ला प्रहरी कार्यालयका अनुसार सुदूरपश्चिमका आर्थिक मामिला राज्यमन्त्री माया तामाङ बोहराका ‘पर्सनल´ (पिएसओ) समेत रहेका रमेशदत्त जोशी मृत फेला परेका हुन्। उनी धनगढी वडा नम्बर ३ गुरुद्द्वारमार्गस्थित आफ्नै घरमा मृत फेला परेका हुन्। `केही दिनदेखि उनी घरमा एक्लै बस्दै आएका थिए,´डिएसपी जोशीले भने, `आज परिवारका सदस्य घर फर्किदा उनी मृत फेला परेका हुन्। मृतक जोशी, राज्यमन्त्री माया तामाङ बोहराका पिएसओ थिए।´ हवल्दार जोशीको दरबन्दी भने धनगढी गणमा थियो। घटनाको अनुसन्धान भइरहेको उनले बताए।